“ Euleuh… kitu nyah, mendedempes we nya urang Sumedang harita ?” “ Euweuh gadag pisan !” ceuk Mang Sakim.

“ Nya, kéla Mang ,” ceuk kuring ngagebés. “ Ga segitunya kaleee ! Urang Sumedang oge weweg sihungna. Tengetkeun geura yeuh mang!”

“ Sababaraha pentolan gerakan kebangsaan gurujagna ti Sumedang. Di antarana waé, Gatot Mangkoepraja –anu dina taun 1943 katompérnakeun ngadorong lahirna PETA (Pembela Tanah Air), dina mangsa bergerak inyana aktif di Perhimpoenan Indonesia jeung Partéy Nasional Indonesia (PNI). Inyana ogé anu salibét jeung Soekarno dina Peristiwa Indonesia Menggoegat ”. Cékéng tandes.

“ Balik deui mang ah! Cuang tuluykeun Jang Kaih teh ”

Tina korant De Indische courant, wedalan 11-04-1928, kaca 1 anu di judulan “Naar Boven Digoel” (Menuju Boven Digoel), kaunggel kieu.

“…Op dezelfde overwegingen als bij vorige besluiten, zullen de volgende personen geïnterneerd worden naar den Boven-Digoel: Ka’ih Soekanadria, als kind genaamd Kaih, oud 35 jaar, landbouwer, voorzitter der Sarekat Rajat te Soemedang, laatstelijk woonachtig te Soemedang, afdeeling Midden Priangan;…”

Mun ditarjamahkeun mah kurang leuwih kieu, “…Atas dasar yang sama seperti dalam keputusan sebelumnya, orang-orang berikut akan diinternir ke Boven-Digul: Ka’ih Sukanadria, alias Kaih, berusia 35 tahun, petani, ketua Sarekat Rajat Soemedang, tinggal di Sumedang, daerah Priangan Tengah;…”

Tina éta berita, kaunggel, ayana organisasi Sarekat Rajat [SR] di Sumedang danu dipupuhuan ku patani, nyaéta Jang Kaih atawa Kaih Sukanadria. Harita, pamaréntah Kolonial Hindia-Belanda [HB] nyangkalak Kaih, laju pembuangan ka Boven Digoel alias Tanah Mérah, Papua. Ceuk berita anu sumebar harita, utamana dina koran-koran Walanda, pembuanganna Kaih dilantarankeun inyana nu pamingpin SR Sumedang téh khususnya geus jadi ulon-ulon dina kajadian “Ririboetan di Bioskop Pasifik” atawa nu disebut “ Soemedang Zak ” 1923, alatan teu dibere diskon karcis lalajo bioskop.